Mbledhja e 30-të e KQZ-së: Rekomandimi për zëvendësimin e dhjetë deputetëve të LS-së
Prishtinë, 10 nëntor 2022 – Komisioni Qendror i Zgjedhjeve mbajti mbledhjen e radhës, të kryesuar nga kryetari i KQZ-së, Kreshnik Radoniqi.
Në këtë mbledhje, Komisioni Qendror i Zgjedhjeve mori vendim për rekomandimin e kandidatëve të radhës për zëvendësimin e dhjetë (10) deputetëve të dorëhequr të subjektit politik “Srpska Lista”.
Bazuar në kërkesën e Presidentes së Republikës së Kosovës, znj. Vjosa Osmani të dorëzuar më 8 nëntor 2022, Komisioni Qendror i Zgjedhjeve, duke vepruar në pajtim me nenin 112 të Ligjit për Zgjedhjet e Përgjithshme dhe Aktgjykimin e Gjykatës Kushtetutese në lëndët KI45/20 dhe KI46/20, rekomandon nëntë (9) kandidatët e radhës nga subjekti politik “Lista Srpska” dhe një (1) kandidat nga subjekti politik GI Za Slobodu Pravdu i Opstanak (GI SPO), të certifikuar në zgjedhjet e parakohshme për Kuvendin e Republikës së Kosovës, të cilat janë mbajtur më 14 shkurt 2021, sipas tabelës vijuese:
| Nr. | Deputeti i dorëhequr | Subjekti politik | Rekomandimet për zëvendësim | Subjekti politik |
| 1. | Slavko Simić | Srpska Lista | Milan Kostic | Srpska Lista |
| 2. | Igor Simić | Srpska Lista | Zoran Maksimovic | Srpska Lista |
| 3. | Miljana Nikolić | Srpska Lista | Olivera Zdravkovic | Srpska Lista |
| 4. | Zoran Mojsilović | Srpska Lista | Milan Joksimovic | Srpska Lista |
| 5 | Verica Ćeranić | Srpska Lista | Ksenija Bozovic | Srpska Lista |
| 6. | Branislav Nikolić | Srpska Lista | Rados Mihajlovic | Srpska Lista |
| 7. | Miloš Perović | Srpska Lista | Nenad Radenkovic | Srpska Lista |
| 8. | Ljubinko Karadžić | Srpska Lista | Svetislav Jokic | Srpska Lista |
| 9. | Jasmina Dedić | Srpska Lista | Biljana Maksic | Srpska Lista |
| 10. | Dragana Antonijević | Srpska Lista | Cvetko Veljkovic | GI SPO |
Po ashtu, në këtë mbledhje, Komisioni Qendror i Zgjedhjeve shqyrtoi dhe miratoi kërkesën për zëvendësimin e anëtarëve të Kuvendeve Komunale në Ferizaj, Malishevë dhe Junik.