Sot mbahet raundi i dytë i Zgjedhjeve për Kryetarë në 21 Komuna
14/11/2021
![Harta e raundit te dyte te zgjedhjeve _ 14 nentor 2021](https://kqz-ks.org/wp-content/uploads/2021/11/Harta-e-raundit-te-dyte-te-zgjedhjeve-_-14-nentor-2021.png)
Prishtinë, 14 nëntor 2021 – Sot, 4 javë pas zgjedhjeve të 17 tetorit, mbahet raundi i dytë i Zgjedhjeve për Kryetarë të Komunave.
Raundi i dytë i zgjedhjeve mbahet në këto 21 komuna: Gjakovë, Gllogoc, Gjilan, Dragash, Istog, Kaçanik, Klinë, Fushë Kosovë, Kamenicë, Obiliq, Rahovec, Podujevë, Prishtinë, Prizren, Shtime, Viti, Vushtrri, Malishevë, Junik, Mamush dhe Kllokot.
Sipas listës përfundimtare të votuesve të certifikuar nga Komisioni Qendror i Zgjedhjeve, numri i qytetarëve me të dretë vote në këto 21 komuna është: 1 milion e 260 mijë e 571 votues.
Numri i qendrave të votimit në këtë raund të dytë të zgjedhjeve është 575 me gjithsej 1,638 vendvotime.