Njoftim nga mbledhja e 35-të KQZ-së

Prishtinë, 27 dhjetor 2023 – Komisioni Qendror i Zgjedhjeve mbajti mbledhjen 35-të dhe të fundit për këtë vit, nën drejtimin e kryesuesit, Kreshnik Radoniqi.

• Në pikën e parë të rendit të ditës, KQZ shqyrtoi dhe miratoi ndaras rekomandimet e Zyrës për Regjistrimin, Certifikimin dhe Kontrollin Financiar të Partive Politike (ZRCKFPP) për pezullimin e dy partive politike, Lëvizjes për Bashkëveprim dhe Partisë Socialdemokrate, të cilat nuk kanë mbajtur kuvendet e tyre zgjedhore sipas afatit ligjor. Afati i fundit për mbajtjen e kuvendit/konventës zgjedhore për partinë politike Lëvizja për Bashkëveprim (LpB) ka qenë data 8 dhjetor 2023, ndërsa për partinë politike Partia Socialdemokrate ky afat ka qenë më 15 dhjetor 2023.

Sipas vendimit të KQZ-së, këto dy parti politike obligohen që të mbajnë kuvendin e tyre zgjedhore në një afat shtesë prej 45 ditësh dhe nëse kjo nuk arrihet, atëherë sipas Rregullores për regjistrimin dhe funksionimin e partive politike, KQZ merr vendim për çregjistrim nga regjistri i partive politike në Kosovë.

Sipas Ligjit Nr. 08/L-288 për Zgjedhjet e Përgjithshme në Republikën e Kosovës, të gjitha partitë politike të regjistruara janë të obliguara që të mbajnë kuvendin zgjedhore brenda 6 muajve nga data e regjistrimit të partivë dhe pastaj së paku çdo 48 muaj.

• Në pikën tjetër të rendit të ditës, pas rekomandimit nga ZRCKFPP, KQZ mori vendim për shlyerjen e borxheve të partive dhe subjekteve politike për periudhën 2014 – 2020 nga regjistri i llogarive të arkëtueshme.

Gjatë kësaj periudhe, për vonesat në mospërmbushjen e obligimeve ligjore nga partitë politike të regjistruara ose nga subjektet politike të certifikikuara për pjesëmarrje në ndonjë proces zgjedhor, KQZ kishte shqiptuar 32 gjoba, 6 prej të cilave për subjekte politike të certifikuara dhe 18 të tjera për parti politike që në kohën e shqiptimit të gjobës kanë qenë të regjistruara, ndërkohë që tani nuk janë, sipas listës në vijim: