Çertifikimi i subjekteve politike

Procesi i Çertifikimit të Subjekteve Politike

Të gjitha subjektet politike, duke përfshirë partitë politike, iniciativat qytetare, koalicionet, dhe kandidatët e pavarur, duhet të aplikojnë për certifikim për të garuar në Zgjedhjet për Kuvendin e Kosovës 2025, të cilat do të mbahen më 9 shkurt 2025. Aplikimi do të bëhet përmes sistemit elektronik të KQZ-së të cilin e gjeni në linkun: certifikimi.kqz-ks.org. Për tu certifikuar, subjektet politike duhet të ndjekin hapat në vazhdim, të cilët janë ilustrim i veprimeve që duhet të ndërmerren gjatë aplikimit tyre në sistemin elektronik.

Subjektet politike, në aplikimin për certifikim, duhet të përfshijë librezat e nënshkrimeve të përkrahjes së votuesve të regjistruar subjekti politike duhet t’i mbledhin njëmijë (1,000) nënshkrime të vlefshme, nëse ka për qëllim të garojë në zgjedhjet për Kuvendin e Kosovës.

Subjekti politik që ka marr së paku një (1) ulëse në Kuvendin e Kosovës, nuk kërkohet të dorëzojë nënshkrimet në mbështetje të aplikimit për certifikim në zgjedhjet për Kuvendin e Kosovës.

Ky formular plotësohet vetëm nga partitë politike të interesuar të garojnë në Zgjedhjet për Kuvendin e Republikës së Kosovës përmes një koalicioni. Koalicionet mund të bëhen vetëm në mes të partive politike.

Lista e kandidatëve të koalicionit që duhet të përmbajë informatën e saktë mbi numrin e kandidatëve të secilës parti politike që është pjesë e koalicionit, duke shënuar përkatësinë partiake të secilit kandidat në listë.

Në këtë listë duhet të shënohen të dhënat e të gjithë kandidatëve të cilët garojnë për Zgjedhje për Kuvendin e Kosovës. Brenda listës duhet të aplikohet kuota gjinore prej 30%, që do të thotë që së paku 30% e kandidatëve duhet t’i përkasin njërës gjini. Gjatë plotësimit të listës, çdo i treti kandidatë në listë duhet t’i përkas gjinisë së nën përfaqësuar (në shumicën e rasteve gjinia e nën përfaqësuar janë gratë).

Lista duhet të plotësohet në mënyrë elektronike dhe pastaj të printohet dhe nënshkruhet nga personi i autorizuar i subjektit politik. Listën e nënshkruar, subjekti politik duhet ta ngarkojë në sistem.

Secili kandidatë që garon në Zgjedhjet për Kuvendin e Kosovës duhet të plotësoj formularin e çertifikimit të kandidatit me të dhëna personale. Përveç listave të nënshkruara, subjekti politik duhet t’i ngarkoj në sistem.

Kodi i Sjelljes për subjektet politike dhe mbështetësit e tyre dhe kandidatët ka për qëllim krijimin e kushteve në të cilat populli i Kosovës mund të zgjedhë përfaqësuesit e tij përmes zgjedhjeve të lira, të drejta dhe të mirë-informuara në një atmosferë të tolerancës demokratike, paqes dhe respektit për sundimin e ligjit.

Të gjitha subjektet politike duhet të shkruajnë një deklaratë politike, e cila përmbanë pjesët kryesore të programit të tyre. Formati i shkruarjes së deklaratës politike nuk është i përcaktuar, por nuk duhet të tejkaloj 150 fjalë. Deklarat duhet të nënshkruhet nga përfaqësuesi i autorizuar i subjektit politik. Iniciativat qytetare duhet të dorëzojnë edhe një akt themelim të iniciativës.

Për tu çertifikuar me sukses, partitë politike duhet të dorëzojnë simbolin e subjektit. Kjo kërkesë vlen vetëm për partitë politike. Ky simbol do të vendoset në fletëvotim, ashtu si pranohet në KQZ.

Gjatë dorëzimit të dokumenteve, subjektet politike do të bëjnë pagesën në vlerë prej një mije (1000) eurosh nëse ka për qëllim të garojë në zgjedhjet për Kuvendin e Kosovës. Subjektet politike që në zgjedhjet e fundit të të njëjtit nivel kanë marrë të paktën një ulëse, lirohen nga pagesa e certifikimit