Tërhiqet shorti për renditjen e subjekteve politike në fletëvotimin e Zgjedhjeve për Kuvendin e Kosovës, 9 shkurt 2025

Prishtinë, 6 janar 2025 – Komisioni Qendror i Zgjedhjeve organizoi ceremoninë e tërheqjes së shortit për renditjen e 28 subjekteve politike të certifikuara në fletëvotimin e Zgjedhjeve për Kuvendin e Republikës së Kosovës, të cilat do të mbahen më 9 shkurt 2025.

Në fllim, kryesuesi i KQZ-së, Kreshnik Radoniqi tha se ngjarja e sotme është e rëndësishme pasi i paraprinë disa aktiviteteve të tjera zgjedhore, siç është miratimi i përmbajtjes së dizajnit dhe fletëvotimit të zgjedhjeve.

“Pasi KQZ të miratojë fletëvotimin e zgjedhjeve, më 9 janar do të fillojë procesi i votimit jashtë Kosovës për votuesit e regjistruar për të votuar përmes postës, ndërkaq më 11 janar subjektet politike do të fillojnë zyrtarisht fushatën zgjedhore”, tha Radoniqi.

Në emër të KQZ-së, Radoniqi u bëri thirrje të gjitha subjekteve politike dhe kandidatët për deputetë që t’i përmbahen Ligjeve, Rregullave Zgjedhore dhe në këtë mënyrë t’i kontribuojnë zgjedhjeve të lira dhe demokratike.

Tërheqja e shortit u bë nga përfaqësuesit e subjekteve politike që janë certifikuar nga Komisioni Qendror i Zgjedhjeve për pjesëmarrje në këto zgjedhje.

Gjithashtu, tërheqja e shortit u bë në kushte të barabarta për të gjitha subjektet politike të certifikuara dhe në një proces transparent.

Për pjesëmarrje në Zgjedhjet për Kuvendin e Kosovës, të cilat do të mbahen më 9 shkurt 2025, KQZ ka certifikuar 28 subjekte politike, prej tyre: 20 parti politike; 5 koalicione; 2 nisma qytetare dhe 1 kandidat i pavarur.

Renditja e subjekteve politike në fletëvotim do të jetë si në tabelën vijuese: