Kryetari i KQZ-së, Radoniqi takoi ambasadorin francez, Guérot

Prishtinë, 18 korrik 2023 – Gjatë ditës së sotme, kryetari i Komisionit Qendror të Zgjedhjeve, Kreshnik Radoniqi priti në takim edhe ambasadorin e Francës në Kosovë, Olivier Guérot. Kryetari Radoniqi e njoftoi ambasadorin Guérot se aktualisht Komisioni Qendror i Zgjedhjeve është duke punuar në harmonizimin e Rregulloreve Zgjedhore, proces ky i domosdoshëm pas miratimit nē Kuvend të Ligjit për Zgjedhjet e Përgjithshme. Për këtë qëllim, ai bëri të ditur se KQZ ka evidentuar ndryshimet në çështje të caktuara të procesit zgjedhor.

Ndërkaq, ambasadori francez shprehu besimin e plotë se kjo do të ndikojë në avancimin e mëtejshëm të proceseve zgjedhore në Republikën e Kosovës.