KQZ vazhdon fushatën informuese në qytete dhe fshatra të ndryshme nëpër komuna

Mitrovicë e Jugut, Obiliq, Mamushë, Drenas, 28 tetor – 1 nëntor 2024 – Komisioni Qendror i Zgjedhjeve është duke vazhduar me fushatën informuese lidhur me procesin e Zgjedhjeve për Kuvendin e Kosovës, të cilat do të mbahen më 9 shkurt 2025.

Në kuadër të fushatës informuese, Zyrtarët Zyrtarët Ekzekutiv të Zgedhjeve të Komisioneve Komunale të Zgjedhjeve të komunave Mirovicë e Jugut, Obiliq, Mamushë dhe Drenas, së bashku me anëtarët tjerët, zhvilluan takime dhe tryeza informuese me përfaqësues të degëve të subjekteve politike, përfaqësues të fshatrave të ndryshme, organizata të shoqërisë civile dhe votues me nevoja të veçanta.

Gjatë këtyre takimeve dhe tryezave, po shpërndahen informacione të ndryshme që kanë të bëjnë me ndryshimet ligjore dhe për periudha të ndryshme të procesit zgjedhor, siç janë: ndërimi i qendrës së votimit brenda komunës; kundërshtimi dhe konfirmimi i Listës Votuese; regjistrimi për votim përmes ekipeve mobile të personave me nevoja të veçanta; dokumentet e pranueshme për ientifikim në vendvotim; regjistrimin e votuesve jashtë Kosovës; votimin jashtë Kosovës; votimin me kusht; si dhe për plotësimin e fletëvotimit.

Gjithashtu, gjatë kësaj fushate sensibzluese për procesin zgjedhor, qytetarët do të informohen edhe për aspekte të tjera që kanë të bëjnë me numërimin e votave në Qendrat Komunale të Numërimit dhe në Qendrën e Numërimit dhe Rezultateve.