Kryesuesi i KQZ-së, Radoniqi priti në takim ambasadorin francez, Guérot

Kryesuesi i KQZ-së, Radoniqi priti në takim ambasad

Gjatë ditës së sotme, kryesuesi i Komisionit Qendror të Zgjedhjeve, Kreshnik Radoniqi priti në takim ambasadorin e Francës në Kosovë, Olivier Guérot.

Në qendër të diskutimeve gjatë këtij takimi ishin përgatitjet për organizimin e Zgjedhjeve për Kuvendin e Republikës së Kosovës, të cilat do të mbahen më 9 shkurt 2025.

Kryesuesi Radoniqi e njoftoi ambasadorin Guérot për përgatitjet që aktuakisht është duke i zhvilluar Komisioni Qendror i Zgjedhjeve, siç është votimi përmes postës, emërimi i trupave zgjedhore, trajnimi i tyre si dhe përgatitjet tjera teknike.