Komisioni Qendror i Zgjedhjeve, 

Në mbështetje të nenit 139 të Kushtetutës së Republikës së Kosovës, në pajtim me nenin 
63.7, me nenin 128.1 të Ligjit Nr. 03/L-073 për zgjedhjet e përgjithshme, nenin 3.7 të 
LSHCK-së, Aktgjykimin e Gjykatës Kushtetuese Nr. KO73/16, nenin 17 të Rregullores 
së Punës së Komisionit Qendror të Zgjedhjeve, si dhe nenin 37 të Rregullores për 
Organizimin e Brendshëm dhe Sistematizimin e vendeve të punës në Sekretariatin e 
KQZ-së, Nr. 01/2017, nxjerr: 

RREGULLORE NR. 04 / 2017 


PËR AVANCIMIN NË KARRIERË DHE TRANSFERIMIN E NEPUNËSVE NË 
SEKRETARIATIN E KOMISIONIT QENDROR TË ZGJEDHJEVE 


KAPITULLI I 
DISPOZITAT E PËRGJITHSHME 


Neni 1 


Qëllimi 


Kjo Rregullore përcakton kriteret dhe procedurat për avancimin e nëpunësve në Sekretariatin 
e Komisionit Qendror të Zgjedhjeve (tani e tutje Sekretariati), si dhe transferimin e tyre 
brenda dhe jashtë institucionit. 

Neni 2 
Fushëveprimi 


Dispozitat e kësaj rregulloreje zbatohen në të gjitha rastet e avancimit dhe transferimit të 
stafit të SKQZ-së nga një pozitë me e ulët në pozitë me të lartë funksionale ose nga një gradë 
me e ulët në një gradë me të lartë brenda së njëjtës kategori funksionale, si dhe në të gjitha 
rastet e transferimit të stafit të Sekretariatit brenda apo jashtë institucionit, në përputhje me 
procedurën dhe kriteret e përcaktuara. 

KAPITULLI II 

PROCEDURAT DHE KRITERET E AVANCIMIT 

1 


Neni 3 
Ngritje në detyrë me avancim 


1. 
Në rastet kur një vend i lirë i punës në kategorinë drejtuese, profesionale dhe 
administrative, nuk plotësohet nëpërmjet procedurës se transferimit apo lëvizjes paralele, 
njësia e personelit shpall procedurën e ngritjes në detyrë përmes avancimit. 
2. Plotësimi i vendeve të lira me procedurën e ngritjes në detyrë është i hapur për nëpunësit e 
Sekretariatit të një kategorie më të ulët, në të njëjtën njësi apo brenda Sekretariatit, dhe që 
plotësojnë minimalisht kushtet e përcaktuar me nenin 20 të kësaj rregulloreje. 
Neni 4 
Kërkesa për ngritje në detyrë me avancim 


1. 
Kërkesa për inicimin e procedurës për plotësimin e pozitës së lirë të punës përmes 
avancimit të stafit, bëhet nga udhëheqësi i departamentit, përkatësisht njësisë organizative, 
dhe dërgohet për aprovim të Kryeshefi Ekzekutiv, duke plotësuar formën e kërkesës 
(Forma. KQZ-A-01 ). 
2. 
Shpallja për avancim për pozitën e lirë të punës bëhet përmes konkursit të brendshëm nga 
Personeli brenda SKQZ-së në vendet e përshtatshme në stendat e informimit të publikut, 
ku kanë qasje të gjithë nëpunësit, si dhe në ueb faqen e KQZ-së. 
3. 
Konkursi duhet të jete i hapur se paku 5 (pesë) ditë pune nga dita e publikimit. 
4. 
Nëse në pozitën e lirë aplikojnë me pak se dy kandidatë, me pëlqimin paraprak të 
Kryeshefit Ekzekutiv, shpallja e konkursit të brendshëm vazhdohet edhe për 2 (dy) ditë 
pune. 
5. 
Në rast se edhe pas vazhdimit të konkursit nuk aplikojnë me shume se 1 (një) kandidat, 
komisioni përzgjedhës vazhdon me procedurën e avancimit edhe me një kandidat, nëse 
plotësohen kriteret e selektimit dhe përzgjedhjes sipas konkursit të brendshëm. 
Neni 5 
Përmbajtja e konkursit për avancim 


1. Konkursi duhet të përmbajë: 
1.1. njësinë organizative në të cilin gjendet pozita e lirë e punës, 
1.2. titullin e vendit të punës, 
1.3. numrin e vendeve të planifikuara për të cilat do të bëhet avancimi, 
1.4. shenjen e klasifikimit të vendit të punës, 
1.5. përshkrimin e përgjithshëm të punës për të cilin do të zhvillohet konkurrimi, 
1.6. kriteret e vendit të punës, 
1.7. dokumentet që duhet të dorëzohen dhe mënyrën e dorëzimit të tyre dhe 
1.8. vendin ku mund të merren kërkesat për aplikim. 
2 


2. Te gjitha shpalljet për avancim duhet të përmbajnë shënimin: "Komisioni Qendror i 
Zgjedhjeve ofron mundësi të barabarta të avancimit për të gjithë nëpunësit e SKQZ-së dhe 
mirëpret aplikacionet nga të gjithë nëpunësit, dhe se komunitetet joshumicë dhe pjesëtarët 
e tyre kanë të drejtë për përfaqësim të drejtë dhe proporcional në të gjitha strukturat dhe 
njësitë organizative të KQZ-së". 
3. Aplikacionet e dorëzuara pas afatit të paraparë nuk pranohen dhe aplikacionet e 
pakompletuara refuzohen. 
4. Vetëm kandidatët e përzgjedhur në listën e ngushtë do të kontaktohen. 
5. Në përputhje me këtë nen për shpallje të rekrutimit përdorët Formulari, Forma. KQZ-A 
-02. 
Neni 6 
Komisioni i Ngritjes në Detyrë 

1. 
Vlerësimi i kandidatëve për ngritjen në detyrë realizohet nga Komisioni i Ngritjes në 
Detyrë (tutje: Komisioni i testimit), i cili duhet të jetë i balancuar sipas gjinisë dhe 
multietnik, si dhe të këtë jo me pak se 3 anëtarë në përbërje, të cilët kanë pozita me të 
larta se pozita që duhet rekrutuar. 
1.1. 
Një anëtar i komisionit duhet të jete udhëheqësi i departamentit/Njësisë në të cilin 
do të punojë zyrtari i cili do avancohet. Në rast se kemi të bëjmë me plotësimin e 
vendit të punës se udhëheqësit të departamentit/njësisë përkatëse përmes ngritjes 
në detyrë, anëtar i komisionit duhet të jetë Kryeshefi Ekzekutiv dhe dy anëtarë të 
pozitave ekuivalente. 
1.2. 
Anëtari i dytë dhe i tretë i komisionit mund të vijnë nga departamentet/njësitë e 
tjera të Sekretariatit, me aftësi dhe njohuri në fushën e pozitës së lirë. 
2. 
Anëtarë të Komisionit testues mund të emërohen edhe nga jashtë, nëse ekziston nevoja, 
për arsye të përvojës menaxheriale dhe profesionale apo për ekuilibër gjinor apo etnik, si 
dhe të pozitës me të larte se pozita që duhet rekrutuar, në rastet kur Komisioni nuk mund 
të emërohet sipas paragrafit 1.2 të këtij neni. 
3. 
Procedura e avancimit vëzhgohet nga udhëheqësi i personelit . Roli i anëtarit të Personelit 
ka të bëjë me garantimin e përputhjes së procesit të përzgjedhjes me rregullat dhe 
procedurën në fuqi. 
4. 
Komisioni i testimit për secilin rast themelohet me vendim të posaçëm të Kryeshefit 
Ekzekutiv, duke marre parasysh dispozitat e kësaj rregulloreje. 
5. 
Komisioni testues është përgjegjës për zhvillimin e procedurës se avancimit dhe 
propozimin për avancim për kandidatin e suksesshëm. 
KAPITULLI III 

PROCEDURA E KONKURRIMIT PËR AVANCIM 

3 


Neni 7 
Organizimi i testimit me shkrim dhe me gojë 


1. 
Komisioni i testimit përgatit testet me shkrim dhe vendos për pyetjet, të cilat do t'u 
parashtrohen kandidatëve gjatë intervistës me shkrim dhe me gojë. 
2. 
Komisioni i testimit gjatë testimit me shkrim dhe intervistës me gojë, bazohet në sistemin 
e notimit të përcaktuar me nenet 16 dhe 20 të kësaj rregulloreje, paraqitur në Forma 
KQZ-A-7 ose Forma KQZ -A-7a. 
3. 
Komisioni i testimit vendos për rolet dhe përgjegjësitë e anëtarëve të saj gjatë procedurës 
së testimit me shkrim dhe intervistës me gojë. Anëtarëve të Komisionit të testimit u 
sigurohet një Formular, Forma. KQZ-A-07 dhe Forma. KQZ -A-7a për përdorimin e 
kritereve të përcaktuara të përzgjedhjes përfundimtare, të cilat përfshijnë notën për secilin 
kriter, në maksimum deri në 100 pikë. 
Neni 8 
Rregullat për procedurën e testimit me shkrim 


1. 
Testi me shkrim mbahet në rast të avancimit nga: 
1.1. 
një kategori në kategorinë me të lartë funksionale dhe 
1.2. 
Nëse pozita e lirë është dy gradë me e lartë se sa gradat e nëpunësve të cilët kanë 
aplikuar për avancim brenda të njëjtës kategori funksionale. 
Neni 9 
Fazat e procedurës se avancimit 


1. 
Procedura e konkurrimit për avancim zhvillohet në dy faza: 
1.1. 
Verifikimi paraprak, i cili ka për qëllim të verifikojë nëse kandidatët plotësojnë 
kërkesat e përcaktuara në shpalljen për avancim; 
2. 
Vlerësimi i kandidatëve. 
3. 
Komisioni i testimit, në bazë të dokumentacionit të paraqitur, jo më vonë se 5 (pesë) dite 
pune nga data e mbylljes së pranimit të tyre, bën verifikimin paraprak të kandidatëve, që 
përmbushin kërkesat e përcaktuara në shpalljen për avancim. 
4. 
Komisioni i testimit, në përfundim të verifikimit, sipas pikës 2 të këtij neni, për 
kandidatët të cilët plotësojnë kërkesat e pozicionit të punës, bën renditjen në një listë 
sipas rendit alfabetik. 
5. 
Kandidatët që nuk plotësojnë kërkesat e përcaktuara në shpalljen për avancim, renditen 
në një listë të veçantë, në të cilën tregohen edhe arsyet e mosplotësimit të këtyre 
kërkesave. Lista administrohet nga personeli dhe nuk bëhet publike. Kandidatët që nuk 
janë kualifikuar njoftohen nga personeli. 
4 


Neni 10 
Kriteret për përfshirjen në listën e ngushtë 


1. 
Anëtarët e Komisionit testues vlerësojnë aplikacionet në bazë të kritereve në vijim: 
1.1 Arsimi dhe kualifikimi profesional, që konsiston në vlerësimin e jetëshkrimit të 
kandidatëve, vlerësimin e arsimimit, vlerësimin e trajnimeve, të lidhura me fushën, si 
dhe vlerësimet e arritjeve vjetore; 
1.2 Përvoja e punës që konsiston në përvojën përkatëse dhe përvojën menaxheriale, 
varësisht nga pozita e klasifikuar e punës; 
1.3 Elementet e tjera të meritës. 
2. 
Secili anëtar vlerëson kandidatin në secilin kriter. Numri maksimal i secilit kriter është 20 
pikë. Totali i pikëve të vlerësimit të kandidateve për përfshirje në listën e ngushtë është 
80, të cilat ndahen përkatësisht, ndërsa minimumi për selektimin e kandidatit në 
procedurat e mëtejme të testimit është 60 pikë. 
3. 
Kandidatët të cilët nuk arrijnë numrin minimal të pikëve përjashtohen nga fazat e tjera të 
avancimit. 
4. 
Në përputhje me këtë nen, përdoret Formulari, Forma. KQZ-A-05. 
Neni 11 
Finalizimi i listës se ngushte të kandidateve 


1. 
Komisioni testues duhet të përgatisë një liste të ngushtë prej se paku dy kandidatëve. 
Nëse paneli nuk mund të identifikojë se paku dy kandidatë adekuat për përfshirjen e listën 
e ngushtë, afati shtyhet edhe për dy ditë të tjera pune. 
2. 
Pas shtyrjes se afatit, Komisioni testues bën përzgjedhjen edhe me një kandidat adekuat i 
cili plotëson kriteret e konkursit. 
Neni 12 
Raporti mbi përgatitjen e listës së ngushtë 


1. 
Kryesuesi i Komisioni testues përgatit një raport të ngushte me shkrim për personelin, në 
të cilin përshkruan rezultatin e listës se ngushtë, ku rendit emrat e personave, të cilët janë 
përfshirë në të dhe përshkruan çfarëdo çështje, të cilat ai ose ajo mendon se duhet t'i 
bëhen të ditura personelit. 
2. 
Raportit i bashkëngjitet një shtojcë, e cila përmban si vijon: 
2.1 Aplikacionet e dorëzuara nga kandidatët e përfshirë dhe të përjashtuar nga lista e 
ngushtë; 
2.2 Raportin mbi pikët përmbledhëse, të cilat i janë dhënë secilit kandidat gjatë 
përgatitjes se listës se ngushtë ( Forma. KQZ-A-05a); 
2.3 Listën përfundimtare të kandidatëve, të cilët do të testohen gjatë përzgjedhjes finale. 
5 


Neni 13 
Njoftimi i kandidatëve të listës së ngushtë 


Kandidatët të cilët janë përzgjedhur në listën e ngushtë njoftohen brenda 3 ditëve dhe ftohen 
të marrin pjesë në fazat e tjera të procesit të përzgjedhjes (Forma.KQZ-A-06). 

Neni 14 
Testimi i kandidatëve 


1. 
Testimi i kandidatëve të cilët janë përfshirë në listën e ngushtë, bëhet brenda dhjetë (10) 
ditëve kalendarike pas marrjes së listës së shkurtër përfundimtare. 
2. 
Testimi i kandidatëve bëhet përmes testimit me shkrim dhe me gojë. Testimi me gojë 
mbahet vetëm për kandidatet, të cilët kane kaluar testimin me shkrim. 
3. 
Kandidatët të cilët nuk marrin pjesë në testimin me gojë, konsiderohen se janë tërhequr 
nga konkurrimi dhe të drejtat e tyre si kandidatë të listës se ngushtë, si dhe pikët e fituara 
në testimin me shkrim, nuk merren parasysh. 
Neni l5 
Përmbajtja e testimeve me shkrim dhe vlerësimi 


1. 
Komisioni testues, 24 (njëzetekatër) orë përpara zhvillimit të fazës se vlerësimit të 
kandidatëve, përgatit pyetjet për testimin e fushës se njohurive, të aftësive e të cilësive të 
shpallura sipas konkursit të publikuar. 
2. 
Testimi me shkrim për kandidatët, varësisht nga kriteret e përcaktuara , përmban 2 ese, 3 
pyetje dhe një tekst për ta përkthyer në gjuhen angleze, ndërsa përbëhet prej këtyre 
pjesëve: 
2.1. 
Pjesa e njohurive dhe aftësive të përgjithshme dhe të personalitetit. Në këtë pjesë, 
kandidateve u parashtrohet 4 pyetje, njëra në forme eseje dhe të tjerat pyetje nga 
fusha që ndërlidhet me njohuritë dhe aftësitë e përgjithshme profesionale. 
2.2. 
Pjesa e njohurive që lidhet me vendin e punës. Në këtë pjesë kandidatëve u 
parashtrohet 1 pyetje në forme eseje dhe 2 pyetje që ndërlidhen me njohuritë e 
fushës përkatëse nga vendi i punës. 
2.3. 
Pjesa e njohurive për gjuhet e huaja, për pozitat ku kërkohet njohja e ndonjë gjuhe 
të huaj, kandidatëve u jepet një tekst për ta përkthyer në njërën nga gjuhet zyrtare, 
ose anasjelltas. 
3. 
Kandidatet, të cilët e kalojnë me sukses testimin me shkrim ose arrijnë të mbledhin së 
paku 50 % hyjnë në intervistën me gojë. Kandidatët të cilët nuk e kalojnë testimin 
me shkrim, përjashtohen nga fazat e tjera të konkurrimit për pozitën përkatëse. 
Neni 16 
Vlerësimi i testimit 


6 


1. 
Vlerësimi i testimit me shkrim për pozitat për të cilat nuk kërkohet njohje e gjuhës së 
huaj, bëhet si vijon: 
1.1 Për pjesën e njohuri ve dhe të aftësive të përgjithshme, pikët e vlerësimit arrijnë deri 
në 40%, 
1.2 Për pjesën e njohurive që lidhen me vendi n e punës, pikët e vlerësimit arrijnë deri në 
60%. 
2. 
Për pozitat, për të cilat kërkohet njohja e ndonjë gjuhë të huaj, vlerësimi i kandidateve 
bëhet si vijon: 
2.1 Për pjesën e njohurive dhe të aftësive të përgjithshme, pikët e vlerësimit arrijnë deri 
në 40%; 
2.2 Për pjesën e njohurive që lidhen me vendin e punës , pikët e vlerësimit arrijnë deri në 
50% dhe 
2.3 Për pjesën e njohurive për gjuhët e huaja, pikët e vlerësimit arrijnë deri në 10%. 
Neni 17 
Intervistimi me gojë 


1. 
Kandidatët të cilët e kalojnë me sukses testimin me shkrim i nënshtrohen intervistës me 
gojë, e cila përbëhet prej 6 pyetjeve nga këto pjesë: 
1.1. Pjesa për testimin e personalitetit dhe të planeve profesionale, në të cilën kandidatëve 
u parashtrohet 1 pyetje që ndërlidhet me personalitetin dhe planet profesionale. 
1.2. Pjesa për testimin e aftësive dhe shkathtësive, në të cilën kandidatëve u parashtrohen 
2 pyetje që ndërlidhen me: aftësitë komunikuese, sjelljen nën presion, reagimet nga 
pyetje të ndryshme, aftësinë e shpejtë analitike, si edhe vizioni dhe potenciali për të 
ardhmen. 
1.3. Pjesa për testimin e njohurive që lidhen me vendin e punës, në të cilën kandidatëve u 
parashtrohen 2 pyetje që ndërlidhen me fushën specifike të vendit të punës. 
1.4. Pjesa e njohurive për gjuhët e huaja, për pozitat ku kërkohet njohja e ndonjë gjuhe të 
huaj, kandidateve u parashtrohet 1 pyetje në gjuhen e huaj. 
Neni 18 
Vlerësimi i intervistës me gojë 


1. 
Për pozitat, për të cilat nuk kërkohet njohja e ndonjë gjuhe të huaj, vlerësimi i 
kandidatëve bëhet si vijon: 
1.1 
Për pjesën e testimit të personalitetit dhe planeve profesionale, pikët e vlerësimit 
arrijnë deri në 25%; 
7 


1.2 
Për pjesën e testimit të aftësive dhe shkathtësive, pikët e vlerësimit arrijnë deri në 
35%; 
1.3 
Për pjesën e testimit të njohurive që lidhen me vendin e punës, pikët e vlerësimit 
arrijnë deri në 40% . 
2. 
Për pozitat, për të cilat kërkohet njohja e ndonjë gjuhe të huaj, vlerësimi i kandidatëve 
bëhet si vijon: 
2.1 
Për pjesën e personalitetit dhe planeve profesionale, pikët e vlerësimit arrijnë deri në 
20%; 
2.2 
Për pjesën e testimit të aftësive dhe shkathtësive, pikët e vlerësim mit arrijnë deri në 
25%; 
2.3. 
Për pjesën e njohurive që lidhen me vendin e punës, pikët e vlerësimit arrijnë deri 
në 35% dhe 
2.4. 
Për pjesën e njohurive për gjuhët e huaja, pikët e vlerësimit arrijnë deri në 20%. 
Neni 19 
Procedura e vlerësimin të testit me shkrim dhe intervistës me gojë 


1. 
Anëtarët e Komisionit testues bëjnë vlerësimin individual të testit me shkrim dhe 
intervistës me gojë (Forma. KQZ-A-08, përkatësisht Forma. KQZ-A-08a). 
2. 
Anëtarët e Komisionit testues, shënojnë në mënyrë të përbashkët pikët e kandidatëve në 
Forma KQZ -A-09, lidhur me përmbledhjen e vlerësimeve individuale. 
3. 
Pas përfundimit të testimeve me shkrim dhe me gojë, kryesuesi përgatit për 
Udhëheqësin e Personelit një raport të shkurtër me shkrim dhe i propozon emërimin e 
kandidatëve të rekomanduar në të cilin përcakton vendin ku janë mbajtur testimet, emrat e 
anëtarëve të komisionit, emrat e kandidatëve të rekomanduar, të cilët i janë nënshtruar 
testimit. Përveç këtyre të dhënave, raporti, gjithashtu, duhet të përmbajë: 
2.3. 
Pikët të cilat i janë dhëne secilit kandidat nga secili anëtari Komisionit testues 
Forma KQZ-08 dhe përmbledhjen e vlerësimeve individuale, Forma KQZ-A-09. 
2.4. 
Raportin e renditjes përfundimtare të kandidatëve, i cili paraqet pikët e përgjithshme 
të kandidatëve në bazë të meritës, Forma KQZ-A-10; 
2.5. 
Rekomandimin e kandidatit (ëve) të përshtatshëm për emërim, i përfshirë në 
raportin final të Komisionit testues në Formularin, Forma KQZ-A-ll. 
4. 
Nëse asnjë kandidat nuk arrin numrin minimal prej 60 % të pikëve të kërkuara dhe 
rrjedhimisht është e pamundshme që të rekomandohet një kandidat i përshtatshëm, 
8 


kryesuesi/ja raporton këtë te Udhëheqësi i Personelit dhe propozon që pozita të rishpallet 
dhe të iniciohet një procedurë e re e rekrutimit, në përputhje me procedurën e përcaktuar 
me këtë rregullore. 

Neni 20 
Kushtet dhe kriteret për avancim 


1. 
Kushtet dhe kriteret për avancim nga një pozitë me e ulët në pozitë më të lartë 
funksionale ose nga një gradë me e ulët në një gradë me të lartë brenda pozitës 
funksionale, janë: 
1.1. 
Disponueshmëria e pozitave të lira; 
1.2. 
Përmbushja e kritereve të kualifikimit dhe atyre profesionale të përcaktuara në 
shpalljen për konkurrim; 
1.3. 
Plotësimit i të gjitha kushteve të caktuara për atë pozitë; 
1.4. 
Plotësimi i kushteve të tjera të përcaktuara në Rregulloren për përshkrimin dhe 
klasifikimin e pozicioneve të punës në Komisioni Qendror të Zgjedhjeve; 
1.5. 
Kalimi me sukses i testimit me shkrim dhe intervistës me gojë; 
1.6. 
Rezultatet e vlerësimit në punë në 2 (dy) vitet e fundit, të jenë pozitive; 
1.7. 
Të mos jetë iniciuar procedurë disiplinore, apo të mos jetë i ndëshkuar me ndonjë 
masë disiplinore në 2 (dy) vitet e fundit, ose të mos ketë masë disiplinore në fuqi; 
1.8. 
Të mos jetë iniciuar ndonjë procedurë penale. 
2. 
Avancimi është i mundur vetëm për nëpunësit e karrierës, të cilët janë të klasifikuar jo më 
poshtë se dy (2) gradë të punës nga pozita e shpallur e lirë. 
3. 
Për kalimin në një (1) gradë me të lartë në kuadër të kategorisë së njëjtë funksionale, nuk 
është i nevojshëm testimi me shkrim. 
Neni 21 
Koha minimale në pozitë 


1. 
Koha minimale për avancim nga një pozitë më e ulët profesionale në një pozitë më të 
lartë profesionale ose nga një pozite profesionale në një pozitë menaxhuese, është 2 vite 
kur performanca e nëpunësit është vlerësuar mirë, shume mirë apo shkëlqyeshëm. 
2. 
Në rastet e jashtëzakonshme të karakterit urgjent, me vendim të posaçëm të Kryeshefit 
Ekzekutiv dhe aprovim të KQZ-së, mund të bëhet përjashtim nga kriteret e përgjithshme 
të avancimit. 
3. 
Vendimi duhet të ketë arsyetimin e bazuar për shmangie nga kriteret e përgjithshme. 
9 


Neni 22 


Komunikimi me kandidatët e përzgjedhur dhe shpallja e rezultateve të procedurës së 


avancimit 

1. 
Personeli njofton me shkrim kandidatin/et e suksesshëm mbi të drejtën e tyre për 
emërim. 
2. 
Personeli është përgjegjës për shpalljen e rezultateve të procedurës së avancimit në 
hapësirat e punës së KQZ-së. Njoftimi përmban emrat e kandidatëve të suksesshëm, 
vendin e punësimit dhe pikët e fituara gjatë procedurës së përzgjedhjes. 
3. 
Kopjet e vendimeve dhe lista e kandidatëve të suksesshëm, gjithashtu, do të vendoset në 
mënyrë publike në tabelat për shpallje në objektin e KQZ-së. 
4. 
Rezultatet publikohen brenda 2 ditëve pas përfundimit të procedurës së avancimit dhe 
vendimit për emërimin e kandidatëve të suksesshëm. 
5. 
Te gjithë kandidatët e ftuar në përzgjedhjen dhe testimin përfundimtar informohen me 
shkrim për rezultatin. 
Neni 23 
Vendosja e koeficientit pas avancimit 


Me rastin e avancimit të nëpunësit nga një pozite me e ulet profesionale në një pozite me të 
larte profesionale ose nga një pozite profesionale në një pozite drejtuese, vendoset koeficienti 
(niveli i pagës) i pozitës në të cilën është bërë avancimi. 

KAPITULLI IV. 
PROCEDURA E TRANSFERIMIT TË NËPUNËSVE 


Neni 24 
Plotësimi i vendeve të lira të punës dhe llojet e transferimeve 


1. 
Sipas nevojave të Sekretariatit, vendet e lira të punës, mund të plotësohen nëpërmjet 
procedurës së lëvizjes paralele, përkatësisht të transferimit të nëpunësve. 
2. 
Transferimi i nëpunësve mund të jetë i përkohshëm ose i përhershëm. 
3. 
Transferimi i përkohshëm apo i përhershëm mund të bëhet: 
3.1 në kuadër të Sekretariatit, dhe 
3.2. në ndonjë institucion tjetër jashtë Sekretariatit. 
10 


Neni 25 
Transferimi i përkohshëm brenda SKQZ-së 


1. 
Sipas nevojave të Sekretariatit, nëpunësi mund të transferohet në mënyrë të përkohshme 
në vend tjetër pune përbrenda Sekretariatit, për ushtrimin e funksioneve të njëjta, ose ku 
detyrat duhet të ushtrohen pandërprerë, për shkak të rritjes së volumit të punës dhe 
organizimit me të mirë dhe efikas të punës. 
2. 
Transferimi i përkohshëm i nëpunësit mund të bëhet edhe me kërkesën e nëpunësit dhe 
pëlqimin e Kryeshefit Ekzekutiv, me qëllim të promovimit dhe zhvillimit në karrierës; 
3. 
Kërkesa për transferimin e përkohshëm të nëpunësit në kuadër të Sekretariatit, bëhet me 
shkrim nga nëpunësi apo udhëheqësi i drejtpërdrejtë i departamentit apo njësisë në të 
cilën paraqitet nevoja për transferim, dhe i drejtohet udhëheqësit të drejtpërdrejtë të 
nëpunësit. 
4. 
Nëse aprovohet kërkesa nga udhëheqësi i drejtpërdrejtë i nëpunësit, atëherë ajo i 
drejtohet -për aprovim, Kryeshefit Ekzekutiv, i cili nxjerr vendim për transferimin e 
përkohshëm të nëpunësit. 
5. 
Transferimi i përkohshëm nuk mund të jetë me i gjatë së gjashtë (6) muaj, brenda 
periudhës 2 vjeçare. Pas kalimit të periudhës se transferimit të përkohshëm, nëpunësi 
kthehet në pozitën paraprake apo ekuivalente me të. 
6. 
Transferimi i përkohshëm nuk është i lejueshëm gjate kohës kur nëpunësi është në 
periudhe provuese. 
7. 
Transferimi i përkohshëm është i lejueshëm vetëm për nëpunësit e karrierës. 
Neni 26 
Transferimi i përhershëm brenda SKQZ-së 


1. 
Sipas nevojave të Sekretariatit, nëpunësi mund të transferohet në mënyrë të përhershme 
në vend tjetër pune përbrenda Sekretariatit, për ushtrimin e funksioneve të njëjta, ose të 
ndryshme, në kategorinë drejtuese, profesionale dhe tekniko-administrative, ku ekziston 
vendi i lirë i punës në përputhje me përgatitjet profesionale të tij. 
2. 
Transferimi i përhershëm i nëpunësit mund të bëhet edhe me kërkesën e nëpunësit për 
arsye shëndetësore, me rekomandim të mjekut; afërsisë se vendbanimit dhe për arsye 
familjare. 
3. 
Kërkesa për transferimin e përhershëm të nëpunësit në kuadër të Sekretariatit, bëhet me 
shkrim nga nëpunësi apo udhëheqësi i drejtpërdrejtë i departamentit apo njësisë në të 
cilën paraqitet nevoja për transferim, dhe i drejtohet udhëheqësit të drejtpërdrejtë të 
nëpunësit. 
11 


4. 
Nëse aprovohet kërkesa nga udhëheqësi i drejtpërdrejtë i nëpunësit, atëherë ajo i drejtohet 
për aprovim final Kryeshefit Ekzekutiv, i cili nxjerr vendim për plotësimin e vendit të 
lirë të punës nëpërmjet procedurës së lëvizjes paralele, përkatësisht të transferimit të 
nëpunësve. 
5. 
Nëpunësi i emëruar në pozitën e lirë nëpërmjet procedurës së transferimit, nuk i 
nënshtrohet periudhës se provës. 
Neni 27 
Kërkesat dhe kushtet e transferimit të përkohshëm dhe të përhershëm brenda SKQZ-së 

1. 
Transferimi i nëpunësit, me detyra dhe përgjegjësi të tjera, duhet të jetë në përputhje me 
përgatitjet profesionale të tij dhe përvojën e punës. 
2. 
Nëpunësi i cili transferohet përkohësisht apo përherë me kërkesën e Kryeshefit Ekzekutiv, 
në një lokacion tjetër i cili është me larg se pesë (5) km nga vendi i tij i punës, i 
kompensohen shpenzimet e udhëtimit nga Sekretariati. 
3. 
Kushtet e punës dhe beneficionet e tjera të nëpunësit të transferuar përkohësisht apo 
përhershëm, duhet të jenë të njëjta me ato që i ka pasur para transferimit. 
4. 
Në rastet kur transferimi bëhet pa kërkesën e nëpunësit, ai mund ta refuzojë transferimin e 
përkohshëm apo të përhershëm, në qoftëse konsideron se vendi tjetër i punës i ofruar 
është i papërshtatshëm, në dëm të zhvillimit të karrierës se tij dhe nëse udhëtimi në punë 
dhe nga puna, në kushte normale, me mjetet e transportit publik, zgjatë me tepër se tri (3) 
orë. 
5. 
Transferimi i përkohshëm dhe i përhershëm i nëpunësve nuk është i lejueshëm gjatë 
kohës kur nëpunësi është në periudhë provuese. 
6. 
Transferimi i përkohshëm dhe i përhershëm është i lejueshëm vetëm për nëpunësit e 
karrierës. 
Neni 28 
Transferimi i përkohshëm ose i përhershëm jashtë Sekretariatit 


1. 
Nëpunësi, mund të transferohet në mënyrë të përkohshme ose të përhershme në ndonjë 
vend tjetër pune jashtë SKQZ-së, në detyrë të veçante në një organizatë ndërkombëtare, 
ndërmarrje publike ose në cilëndo organizate tjetër publike, për të cilën nevojiten aftësi 
dhe përvojë e caktuar profesionale, për ushtrimin e funksioneve të njëjta ose të ndryshme. 
2. 
Transferimi bëhet me kërkesë të nëpunësit dhe me miratimin e Kryeshefit Ekzekutiv. 
3. 
Pas kalimit të periudhës se transferimit të përkohshëm jashtë SKQZ-së, në përputhje me 
dispozitat ligjore, nëpunësi e ruan të drejtën kthimit në pozitën paraprake apo ekuivalente 
me të. 
12 


Neni 29 
Shtojca në aktin e emërimit 


1. 
Pas transferimit të nëpunësit, aktit të emërimit i shtohet shkresa për transferim, të 
paraparë me Rregulloren për procedurat e rekrutimit, emërimit dhe punën provuese. 
2. 
Një kopje e shkresës për transferimin, sipas paragrafit 1 të këtij neni, mbahet në dosjen 
personale të nëpunësit në personel. 
Neni 30 
Mungesa e aplikimeve për transferim dhe kalimi në procedurën e avancimit 


Në rast se vendi i lirë i punës nuk mund të plotësohet nëpërmjet transferimit, atëherë kalohet 
në procedurën e pranimit, nëpërmjet procedurës së promovimit dhe avancimit në detyrë të 
nëpunësve që janë të klasifikuar në një gradë me të ulët se pozita e lirë. 

Neni 31 
Procedura ankimore 


Nëpunësi, në rast të pakënaqësisë me procedurën e avancimit ose të transferimit, ka të drejtë 
ankese në pajtim me legjislacionin ne fuqi. 

KAPITULLI V 
DISPOZITAT PËRFUNDIMTARE 


Neni 32 
Dispozitat kalimtare 


1. 
Deri në aprovimin dhe zbatimin e Rregullores për klasifikimin e vendeve të punës në 
KQZ, në vend të gradës, si zgjidhje e përkohshme për pozitat e njëjta apo ekuivalente, do 
të vendosen dhe përdoren koeficientët aktualë të aprovuar në Sistemin e pagave për 
pozitat ekzistuese dhe ato me nivele dhe përgjegjësi të njëjta. 
2. 
Harmonizimi i koeficientëve për pozitat aktuale apo ato që do të rekrutohen, me nivele 
dhe përgjegjësi të njëjta, përderisa të mos hyjë në fuqi dhe fillojë së zbatuari gradimi i 
vendeve të punës në SKQZ, do të përcaktohet me vendim me të posaçëm të Kryeshefit 
Ekzekutiv. 
Neni 33 
Hyrja në fuqi 


Kjo rregullore hyn në fuqi në ditën e miratimit nga Komisioni Qendror i Zgjedhjeve. 

13 


 Valdete DAKA 

 Kryetare e KQZ-së 

Prishtinë, 7 gusht 2017 


14