KQZ fillon fushatën informuese me komunitetet joshumicë në Prizren, Gjakovë, Obiliq e Janjevë

11 – 13 qershor 2024 – Në kuadër të fushatës informuese “Zëri yt, vota jote”, Komisioni Qendror i Zgjedhjeve ka filluar fushatën informuese dhe edukuese me qytetarë të komuniteteve joshumicë.

Gjatë këtyre ditëve, zyrtarët e KQZ-së takuan qytetarët e komuniteteve joshumicë në Prizren, Gjakovë, Obiliq dhe Janjevë, të cilët u informuan për të drejtën e tyre kushtetuese për të zgjedhur dhe për t’u zgjedhur.

Gjithashtu, gjatë këtyre takimeve, të rinjtë u njoftuan edhe për procedurat zgjedhore në vendin tonë dhe për ndikimin që mund të ketë vota e tyre në përcaktimin e përzgjedhjes së përfaqësuesve të tyre.

Takimet e radhës do të zhvillohen edhe në komunat tjera.